關楚耀做主持阿倫狂鏟
[轉載/Youtube] 關楚耀（Kelvin）為nowTV主持煮食節目《關人煮事》，昨邀得契爺譚詠麟（阿倫）、李克勤及Mr.出席在土瓜灣的記招，阿倫送上鑊鏟盼Kelvin可鏟走以往的不快事，Kelvin謂：「好多人知我要做呢個節目，先知我識煮嘢食，我會請唔同朋友上嚟一路煮一路盡訴心中情。」問會否請舊愛衞詩做嘉賓？他直言沒考慮。帶導盲犬返無綫
另外，有傳無綫跟五大唱片公司終極破冰，並讓步跟五大歌手簽約，歌手可亮相其他電視台，對此，克勤說未收到通知：「當然希望係事實，世界大同大家都開心。」阿倫則笑言：「咁耐冇入無綫，如果入去要搵導盲犬帶路。」至於簽約問題，無綫製作總監余詠珊昨說：「份合約仲整緊，希望四月底可以齊晒所有合作歌手名單，再閉門開會傾嚟緊點捧班歌手，或者令佢哋事業更上一層樓，希望重奪無綫龍頭地位。」
