老婆健身遭性騷擾 學友：冇諗過咁大件事
歌神張學友噚日喺經理人陳淑芬陪同下，完成溫州站巡迴演唱會返港，學友太太羅美薇早排喺馬會會所健身室兩度被男經理涉嫌出言性騷擾，馮仁昭噚日當然要問學友點睇件事啦，學友就好厚道咁話：「只係不禮貌對待啫，性騷擾係好嚴重嘅事，係刑事，我只係口頭投訴，冇寫信，每個人遇到呢種事，都會咁做，好正常，冇諗過會上新聞咁大件事。」性騷擾羅美薇 鹹豬嘴︰吹唔吹？( 2012-03-02 )
羅美薇馬會健身室遭性騷擾
[轉載/Youtube] 歌星張學友太太羅美薇在馬會會所的健身中心涉兩度被性騷擾。據了解，一次她眼睛不適，健身中心男經理上前說：「使唔使我幫你吹吓隻眼呀？吹唔吹呀？」另一次是該經理見羅手指受傷，向她伸出中指說﹕「你手指傷咗呀？」羅感到被羞辱，向馬會投訴。馬會回覆本報查詢指，在調查期間，已要求承辦商另派員工負責有關工作。張學友表示沒有回應。馬會位於跑馬地山光道的會所，有餐廳、網球場及健身中心等設施，供會員使用。消息指，羅美薇近月在會所三樓的健身中心做運動時，先後兩次遭一名男經理出言性騷擾。據了解，羅美薇是健身中心「常客」，周一至六早上都會到健身中心運動，每次逗留約四小時，與職員關係不俗。有員工說：「佢個人冇架子，對住我哋都會笑。」
問羅「吹唔吹呀？」
不過，近日羅美薇在健身中心踩單車期間，感到眼睛不適，一名男經理主動走向羅美薇身邊「慰問」，更得意洋洋問﹕「使唔使我幫你吹吓隻眼呀？吹唔吹呀？」。羅感到被羞辱，隨即向丈夫張學友和馬會高層投訴。該名經理事後曾被馬會高層「照肺」。
平日常講不文笑話
但該男職員沒收斂。不久後，羅美薇手指受傷。他竟向羅美薇伸出中指說：「你手指傷咗呀？」今次羅忍無可忍，張學友遂發信給馬會高層，投訴該員工性騷擾羅美薇，涉及性騷擾的健身中心經理近日被解僱。
據了解，該「鹹豬嘴」經理任職近一年，由馬會外判公司Body Torque聘請。他平日工作常講不文笑話，更多次用言語性騷擾員工，「佢會無啦啦走埋去女同事度講，話我好想打飛機。估唔到佢夠膽搞member（會員）。」消息又指，女同事對被性騷擾都感到不滿和憤怒，但擔心被解僱都敢怒不敢言，「呢個經理負責管住我地個team，邊會有人再夠膽complain（投訴）佢。」馬會發言人昨回應，會員作出的任何投訴，都會詳細調查。
