譚詠麟未諗定特首投票人選
校長笑弱智 志偉嗌退選( 2012-02-23 )
譚校長暗諷唐「弱智」
阿倫暗取笑唐英年弱智
換證不換夫 一定不離婚( 2012-02-23 )
[轉載/Youtube] 僭建醜聞及緋聞纏身的唐英年，逆民意報名參選特首。同樣有「感情缺失」的選委譚詠麟沒有提名唐，因未有理想人選，更暗笑唐「弱智」。另一藝人曾志偉指唐負面新聞不絕，「我覺得佢應該退選。」演藝界選委譚詠麟前晚出席一個宣傳活動時，形容目前選情如打仗「七國咁亂」，他說特首要具備智、仁、勇，唐英年似未符條件，他暫未有投票意向，強調不會投白票，「佢『智』係弱咗啲，差少少，真係未夠機智。」
曾志偉認為唐應當機立斷，「我覺得佢應該退選，因為社會上太多聲音，我同朋友講笑，如果唐生退選係上簽，繼續選而選唔到係中簽，選到係下簽。
曾志偉：應退選
如果選到做落去都會好辛苦，記得董建華年代出席一個佛教聚會，董生入場不問理由就畀人噓，去到咁嘅地步應該好辛苦。所以如果唐生要做落去好辛苦，到時有幾多巿民上街抗議？好多對香港唔好嘅事會發生。」
唐營立法會議員林大輝則稱，仍繼續收到選票，當中包括九倉主席吳光正，聲稱醜聞不影響選情；又暗踩梁振英，指梁也涉誠信問題，只是梁處理得較好，唐則有改善空間，「唐生係冇一個『死都拗翻生』、『曲也拗直』嘅本領。」
唐英年最新民調得分極低，林大輝死撐，指政治形勢和民意經常改變，相信唐會努力向市民及選委解釋政綱爭取支持。
